شيلة - يا اهل الشميسي عسى قلبي تحنونه
يا اهل الشميسي عسى قلبـي تحنونـه .. تراه من بعدكـم يازيـن مرضانـي
واليوم كـل رقـد ماتمـرح عيونـه .. يصبح على الكوع طول الليل سهراني
مايسمع الهرج لو عنكـم يعذلونـه .. ويقول ما ارضى بدال الزين صدقانـي
معلوم احبه واحـب اللـي يحبونـه .. ولاوالله ارضى بدالـه واحـد ثانـي
ترى المولـع مولـع لـو يعذلونـه .. قلبه على شوفة الصدقـان ولهانـي
النار في داخلـه واشتبـت اركونـه .. ماعاد يسمع كـلام افلانـي وفلانـي
بالله يا اهـل النصايـح لاتزيـدونـه .. تراه من فرقـى الأحبـاب مرضانـي
